Namn & symbolikk

Kva ligg bak den nye profilen til Gjerde Rør?

Namnet Gjerde Rør er valt for å vere tydeleg, enkelt og solid – med lokal forankring og fagleg autoritet. Det signaliserer både tryggleik og struktur, og er lett å kjenne igjen.

Logosymbolet, består av tre piler:

• Dei to største pilene peikar mot venstre og representerer proffmarknaden – vårt største og mest etablerte kundesegment.

• Den minste pila peikar mot høgre og symboliserer privatkundane – ei viktig målgruppe i vekst.

Retningsvalet skapar ein balanse mellom erfaring og framtid – vi bygg på solide røter, samtidig som vi har blikket retta framover.

Hexagonforma – sekskanten – er ikkje tilfeldig valt. Det er ei form som naturen sjølv brukar når den skal vere både sterk og effektiv. Vi ser den i bikuber, snøkrystallar og molekylstrukturar. Hexagonen gir maksimal styrke med minimal ressursbruk, og står støtt uansett kor den blir plassert.

I vår logo symboliserer den også:

• Stabilitet – vi står støtt i faget og i marknaden.

• Samhald – vi jobbar tett saman, både internt og med kundar og samarbeidspartnarar.

• Fellesskap – kvar og ein har ansvar for sin del, men vi utgjer eit sterkt heile.

Hexagonen kan også tolkast som ei kube – ei “boks” – som speglar vår interne strategi: Alle har ansvar for sin boks.
Dette handlar om tillit, struktur og ansvar i kvardagen – og om å bygge ei verksemd der kvar medarbeidar er ein viktig del av heilskapen.

Hexagonforma bind saman pilene i logoen og gir retning og balanse – mellom fortid og framtid, mellom proff og privat, mellom individ og fellesskap.

Fonten i namnetrekket “Gjerde Rør” er inspirert av rørbend – med mjuke, men rektangulære former som gir eit teknisk og tillitsvekkande uttrykk.

Vi er stolte av den nye profilen, og håper den gir eit godt bilete av kven vi er – og kva vi står for.

– Heile vår omprofilering er utvikla av lokale krefter - Møre Media.